Türkmenistan bilen Gazagystan Azerbaýjanyň üsti arkaly nebit eksportyny artdyrdy

Türkmenistan bilen Gazagystandan şu ýylyň ýanwar aýynda Baku-Tbilisi-Jeýhan (BTJ) turbageçirijisi arkaly üstaşyr geçirilen nebitiň umumy mukdary 17,3 göterim artdy.

Azerbaýjanyň Döwlet statistika komitetine salgylanyp, “Interfaks-Azerbaýjan” agentliginiň geçen hepdäniň çarşenbe güni beren habaryna görä, üstaşyr geçirilen Türkmenistanyň we Gazagystanyň nebitiniň paýy 430,8 million tonna ýetdi.

Hasabat döwründe Baku-Tbilisi-Jeýhan (BTJ) turbageçirijisiniň üsti bilen daşalan nebitiň umumy mukdary 2,48 million tonna deň boldy. Bu görkeziji 2023-nji ýylyň ýanwar aýy bilen deňeşdirilende 1,9 göterim ýokarydyr.

Türkmenistan bilen Gazagystandan 2023-nji ýylda Baku-Tbilisi-Jeýhan (BTJ) turbageçirijisi arkaly üstaşyr geçirilen nebitiň umumy mukdary 5 million 240,7 müň tonna barabar boldy.

https://business.com.tm/tm/post/11439/turkmenistan-bilen-gazagystan-azerbayjanyn-usti-arkaly-nebit-eksportyny-artdyrdy