17 Iýul, 2024
Halkara gatnaşyklary institutynyň magistr meýilnamasyna okuwyň täze ugry goşuldy
Türkmenistanyň Daşary işler ministrliginiň Halkara gatnaşyklary institutynda magistr taýýarlygynyň ugurlary köpeldi.
Halkara gatnaşyklary institutynda magistr maksatnamasy esasynda halkara arbitraž we işewürlik hukugy taýýarlyk ugry boýunça ilkinji gezek talyplara bilim berlip başlanar.
Bu ugur boýunça hünärmenler taýýarlanylanda milli kanunçylygyň we halkara hukugynyň binýatlyk kadalaryna, halkara söwda-ykdysady, maýa goýum hem-de işewürlik jedelleri ýüze çykan halatynda döwletiň bähbitlerini goramakdaky wajyp wezipelere aýratyn üns berler.
Institutda magistr taýýarlygynyň sekiz ugry hereket edýär:
«Sanly diplomatiýa»
«Gündogary öwreniş»
«Seljeriş we strategiki meýilleşdiriş»
«Halkara hususy hukugy»
«Halkara jemagat hukugy»
«Halkara arbitraž we işewürlik»
«Halkara ykdysadyýet»
«Syýasy kommunikasiýa we internet žurnalistikasy».
2024-nji ýylda Türkmenistandaky uniwersitetlere okuwa kabul etmegiň tertibini şu ýerden tapyp bilersiňiz.