Sanawyň 1-nji belgili tennisçisi öýüne dolandy

Tennis boýunça möwsümiň 3-nji «Uly tuwalga» ýaryşy «Uimbledon» bäsleşiginde 3-nji tapgyrda iň uly garaşylmadyk netije hasaba alyndy. Zenanlaryň arasynda sanawyň 1-nji belgili tennisçisi, polşaly Iga Şwentek gazagystanly Ýuliýa Putinsewadan 2:1 asgyn geldi. 1-nji setde polýak tennisçisi 6:3 hasabynda ýeňse-de, 2-3-nji setlerde uly tapawut bilen 6:1 we 6:2 hasaplar esasynda ýeňlip, ýaryşdan çykdy. Zenanlaryň arasynda sanawyň 3-nji belgilisi Ýelena Rybakina daniýaly Karolin Wozniaskini ýeňillik bilen utdy. 6:0 we 6:1 hasaplar bilen ýeňiş gazanan Rybakina indiki tapgyrda russiýaly Anna Kalinskaýa bilen duşuşar. Erkekleriň arasynda russiýaly Daniil Medwedew 3-nji tapgyrda germaniýaly Ýan-Lennard Ştruffy 6:1, 3:6, 6:4, 7:6 hasaplar bilen ýeňip, 1/8 finala çykdy. Medwedew 4-nji tapgyrda bolgariýaly Gregor Dimitrow bilen duşuşar