2025-nji ýylda BMG-niň Howpsuzlyk Geňeşinde hemişelik däl agzalar boljak ýurtlar belli boldy

Daniýa, Gresiýa, Pakistan, Somali we Panama 2025-nji ýyldan 2026-njy ýyl aralygynda BMG-niň Howpsuzlyk Geňeşiniň hemişelik däl agzalary bolarlar. Bu barada bütindünýä guramasynyň Baş Assambleýasynyň kararyna salgylanyp, RIA Nowosti habar berýär.

BMG-niň Howpsuzlyk Geňeşine jemi 15 agza döwlet girýär. Her ýyl düzümiň bäş hemişelik däl agzasy ondan çykýar, olaryň ýerine başga bäş ýurt saýlanýar. Şol bir wagtyň özünde, BMG-niň Howpsuzlyk Geňeşiniň hemişelik däl agzasy bolmak üçin dalaşgär döwlet Baş Assambleýanyň degişli mejlisinde zalda oturanlaryň sesleriniň azyndan üçden iki bölegini almalydyr.

Agentligiň maglumatlaryna görä, bellenilen ýurtlar Şweýsariýanyň, Maltanyň, Ýaponiýanyň, Ekwadoryň we Mozambikiň orunlaryny eýelärler. Olaryň BMG-niň Howpsuzlyk Geňeşiniň hemişelik däl agzalary hökmünde ygtyýarlyklarynyň möhleti şu ýylyň 31-nji dekabrynda tamamlanar.