Hytaýda “Super Virtual Rail Train” ýokary tizlikli otlusy hereketine başlady

«CRRC Zhuzhou Locomotive» tarapyndan işlenip düzülen «Super Virtual Rail Train» (SRT3.0) «Pintan» ýokary tizlikli otlusy demir ýol menzilinden Hytaýyň Longwangtou okean seýilgähine çenli täze ugurda synagdan geçirilip başlandy.

«Super Virtual Rail Train» — bu «ösen demir ýol we ýol tehnologiýalaryny birleşdirýän täze önüm». Metro wagon gabarasy adaty awtobus merkezlerine birikdirilip, ulagyň belli bir ugruny yzarlamagyna mümkinçilik berýän «wirtual ýol tehnologiýasy» bilen enjamlaşdyrylandyr.

Otly litiý batareýasynyň energiýa saklaýyş tehnologiýasyny ulanýar we 10 minutlyk energiýa üpjünçiliginden soň 25 kilometrlik ýoly geçip bilýär. Onuň iň ýokary tizligi — sagatda 77 km. Tehnologiýa iki taraplaýyn hereketi goldaýar we iň az öwrüm radiusy — 15 metr. Otlyda «içerki optiki şekil tanamak ulgamy we Beidou hemra nawigasiýasy» bar.

«Super Virtual Rail Train» öz ugruny sazlap bilýär we şäher ulag ugurlarynda, syýahatçylyk merkezlerinde hem-de beýleki ýerlerde ulanylýar. Işläp düzüjiler häzirki wagtda bu tehnologiýa «köçedäki metro» diýýärler, häzirki wagtda isleg bildirýänleriň ählisi «Super Virtual Rail Train» (SRT3.0) önümden synag hökmünde mugt peýdalanyp bilerler.

«Super Virtual Rail Train» (SRT3.0) tehnologiýasyna uzynly 32 metr, ini bolsa 2,65 metr bolup, 300 ýolagçy üçin niýetlenen wagonlaryň üçüsini özünde jemleýär.